Ադրբեջանցին մերկացել է և նստել ոստիկանության շենքի առջև (Video)

Ադրբեջանի Բարդայի շրջանի բնակիչը՝ ի նշան Ճանապարհային ոստիկանության դեմ բողոքի, ամբողջովին մերկացել է և նստել ոստիկանության շենքի առջև:

Այս մասին գրում է contact.az-ը՝ նշելով, որ Youtube-ում տեսանյութ է հայտնվել, որում երևում է, թե ինչպես է մերկ տղամարդը նստել գետնին և հայտարարում է, որ այս քայլին իրեն դրդել են ճանապարհային ոստիկանության աշխատակիցները: Տղամարդը նաև նշում է, որ ոստիկանության պետը իրենից ստիպողաբար 300 մանաթ է վերցրել:

100 տարեկան վետերանի հուշերն ու մտորումները

100-ամյա Սաթիկ Թորոսյանը 2-րդ համաշխարհային պատերազմի վետերան է: Այսօր նա ապրում է միայնակ, թոռները 88-ի երկրաշարժից հետո մեկնել են արտասահման, իսկ դուստրն արդեն 70 տարեկան է և մորը խնամել չի կարող: Սաթիկ Թորոսյանը ստանում է ընդամենը 28000 դրամ թոշակ, արդեն մի քանի ամիս չի օգտվում էլեկտրաէներգիայից, ջրից եւ գազից, քանի որ վճարումներ կատարելու հնարավորություն չունի: Չնայած տարիքին` առողջությունից շատ չի դժգոհում, երբեմն միայն հիշողության կորուստ է ունենում:

Ադրբեջանի կողմից ցանկացած սադրանքի դեպքում մենք պատրաստ ենք մարտական գործողություններ վարել իր իսկ տարածքում

Հայկական կողմի քայլերը տրամաբանական են մարտերը հակառակորդի տարածք ու հատկապես հարթավայր տեղափոխելու տեսանկյունից: NEWS.am-ի թղթակցի հետ զրույցում այդ մասին հայտարարել է ռազմական փորձագետ Արկադի Գրիգորյանը` մեկնաբանելով REGNUM գործակալության հրապարակումը, թե Հայաստանում ընթանում է զրահատեխնիկայի եւ ՀՕՊ միջոցների լայն արդիականացման գործընթաց:

«Եթե շեշտադրում է կատարվում զրահատեխնիկայի կատարելագործման վրա, իհարկե դա հարձակողական պոտենցիալի զարգացմանն ուղղված հետեւողական քայլերի տրամաբանական շարունակությունն է: Ի դեպ նաեւ վերջին տարիների զորավարժությունների տրամաբանության»,- նշել է փորձագետը:

Օմբուդսմենի գնահատականը Երևանի ավագանու ընտրություններին

Երևանի ավագանու 2013 թվականի մայիսի 5-ի ընտրությունների վերաբերյալ Պաշտպանի 116 թեժ գիծը ստացել է ընդամենը 19 ահազանգ: Համեմատության համար անհրաժեշտ է նշել, որ նախորդած Ազգային Ժողովի ընտրությունների ժամանակ Երևան քաղաքում Պաշտպանի աշխատակազմը ստացել էր 178 ահազանգ, իսկ նախորդած Նախագահի ընտրությունների ժամանակ՝ 214 ահազանգ: Հաշվի առնելով նախորդած ընտրությունների համեմատությամբ եղած ահազանգերի սակավաթվությունը՝ քվեարկության օրը Պաշտպանի արագ արձագանքման խմբերը շրջել են քաղաքում և հանդիպել են տեղամասերում եղած քաղաքացիներին, դիտորդներին, վստահված անձանց և լրագրողներին՝ առաջարկելով իրենց աջակցությունը և փորձելով ստանալ լրացուցիչ տեղեկություններ հնարավոր ընտրախախտումների մասին: Սեփական նախաձեռնությամբ կատարված 66 շրջայցերի արդյունքում ստացվել է 2 բողոք:

Աշխարհի ամենագեղեցիկ կատուն (photo, video)

Չնայած, որ աշխարհում կան բազմաթիվ գեղեցիկ և զվարճալի կատուներ, BBC World-ը ամենաչարաճճի և հմայիչ կատու ճանաչել է Դեյզիին:

Լերա Կուդրյավցեվան պլաստիկ վիրահատության զո՞հ է դարձել

Հայտնի հաղորդավարուհի Լերա Կուդրյավցեվան պատրաստվում է ամուսնանալ հոկեիստ Իգոր Մակարևի հետ, ով նրանից փոքր է 16 տարիով: Բնականաբար, նա ցանկանում է այդ օրն ունենալ անթերի տեսք:

Համացանցում հայտնվել են Աֆղանստանում Boeing 747-ի կործանման կադրերը (տեսանյութ)

Համացանցում հայտնվել են Աֆղանստանում Boeing-747 բեռնատար ինքնաթիռի կործանման կադրերը, որի ժամանակ զոհվել էր 7 մարդ:

Նշենք, որ ինքնաթիռը կործանվել էր ապրիլի 29-ին Քաբուլից 50 մկ հեռավորության վրա գտնվող ԱՄՆ-ի ռազմա-օդային բազայի մոտ: Սկզբում տեղեկացվում էր, թե «Թալիբան» շարժումն իր վրա է վերցրել միջադեպի պատասխանատվությունը, սակայն հետագայում ԱՄՆ-ի ՌՕՈՒ-ն հերքեց այդ տեղեկությունները. հայտնում է Lifenews-ը: