Ոստիկանները պատժել են Բենզին Ռուբոյին

News.am-ը հաղորդում է, որ այսօր ոստիկանները կանգնեցրել են ՕԵԿ-ական Ռուբեն Մասումյանին (Բենզին Ռուբո) պատկանող 88 ՍԼ 888 համարանիշներով թանկարժեք ջիպը։ Համաձայն շրջանառվող տեղեկությունների, ոստիկանները կանգնեցրել են մեքենան «արագությունը գերազանցելու» համար, սակայն այլ խոսակցությունների համաձայն, սա եղել է նախազգուշացում Բենզին Ռուբոյին։
Բանն այն է, որ հատկապես Հարսնաքարի իրադարձություններից հետո ոստիկանությունը էլ ավելի հետամուտ է եղել, որպեսզի կատարի նախագահի հանձնարարականը, համաձայն որի օլիգարխները իրավունք չունեն թիկնազորի ուղղեկցությամբ շրջագայել, իսկ Բենզին Ռուբոն վերջին շրջանում ցուցադրաբար հենց այդ կերպ էր վարվում։

Սամվել Ալքեսյանյանը հետ է բերում ծախսած փողերը

«Երկիր» թերթը գրում է.
«Ընտություններից անցել է մեկ շաբաթ, իսկ քաղաքական ուժերն ու մեծամասնական թեկնածուներն արդեն ծախսած գումարները սկսել են վերադարձնել: Այն, որ բաժանված ընտրակաշառքը կարճ ժամանակում կհասցնեն հետ վերադարձնել և որ տրված 10 կամ 20 հազարական դրամները թանկ են նստելու ժողովրդի վրա, դրանում չենք կասկածում: Եվ այսպես, փողերը կայծակնային արագությամբ սկսել են հետ «հավաքել» պատգամավոր Սամվել Ալեքսանյանը: Վերջինիս պատկանող «Երևան Սիթի»-ներում ապրանքի գները անհամեմատ թանկացել են: Աճել են հատկապես այն ապրանքների գները, որն ինքն անձամբ է ներկրում:

Ծառուկյանը պատժել է քիչ քվեներ ապահոված ԲՀԿ-ականներին

Համաձայն «Ժողովուրդ» թերթի, երեկ երեկոյան Գագիկ Ծառուկյանը հավաքել է ԲՀԿ կուսակցության ակտիվին, որպեսզի վերջնականապես որոշի, թե ովքեր են անցնելու խորհրդարան, իսկ ովքեր՝ ոչ։ Թերթը գրում է, որ ԲՀԿ առաջնորդը հասել է մինչև համամասնական ցուցակի 62-րդ հորիզոնականին և բորոր այն անցողիկ տեղերում հայտնված ԲՀԿ-ականներին, ովքեր պատասխանատու են եղել այս կամ այն ընտրատարածքում առնվազն 10000 ձայն ապահովելու համար և ձախողվել են, կարգադրել է ինքնաբացարկի դիմումներ գրել։