Facebook-ի ներկայացուցիչները The Next Web-ի հետ զրույցում հաստատել են, որ սոցցանցը ավտոմատ կերպով սքանավորում է անձնական հաղորդագրություններն արտաքին հղումի առկայության դեպքում, հաղորդում է Vesti.ru-ն:
Պաշտոնական վարկածի համաձայն՝ դա արվում է like-երի հաշվարկի համար այլ կայքերում:
Հատուկ ալգորիթմը ստուգում է նաև հղումները, որպեսզի ձևավորի նախնական դիտումների բլոկն ու վստահ լինի, որ հաղորդագրությունը սպամ չէ:
Առաջինն այն մասին, որ Facebook-ը տեսածրում (սքանավորում) է նամակագրությունը, վեջերս հայտարարել էին լեհական Killswitch.me ընկերության հետազոտողները: Դրան զուգահեռ փորձագետները հայտնաբերել էին ևս մեկ առանձնահատկություն՝ ամեն անգամ հղումներ ուղարկելով անձնական հաղորդագրության մեջ Facebook-ը 1 Like-ին ավելացնում է ևս 2-ը: Նրանց կարծիքով՝ Graph API-ի ոչ կոռեկտ աշխատանքի պատճառով էջի «like-երի» թիվը կարելի է մեծացնել ժամում մինչև 1800 անգամ:
Ընկերությունում Like-երի ավելացումն անվանել են սխալ ու հայտարարել, որ կվերացնեն սխալը:
Facebookը նաև վստահեցրել է, որ անձնական նամակագրության սքանավորման ժամանակ տվյալները չեն փոխանակվում, և օգտատերերի անուններից like-եր չեն դրվում:
No comments:
Post a Comment