Ռուբեն Հայրապետյանին դատի են տվել

1in.am-ը հաղորդում է, որ «Վահե Ավետյան» հասարակական շարժաման նդամներ Հրանուշ Խառատյանն ու Գարեգին Չուքասզյանը հայտարարել են, որ պատրաստվում էն այսօր դատական հայց ներկայացնել դատարան ընդդեմ Ռուբեն Հայրապետյանի՝ «Նուվելլ Դ´Արմենի» ամսագրին տրված իր հայտնի հարցազրույցում հնչած վիրավորանքների և սպառնալիքների կապակցությամբ։
Ինչ վերաբերում է հարցազրույցում ակնարկված շարժման մեկ այլ ակտիվիստին՝ Դավիթ Սանասարյանին, ապա վերջինս կոնկրետ բան չի ասել և միայն հայտարարել է, որ ամեն ինչ պարզ կլինի երկուշաբթի, այսինքն՝ այսօր։
Այնուամենայնիվ, Հրանուշ խառատյանը կասկածներ ունի, որ այս պատմությունը որևէ էական հետևանք կունենա, քանի որ նա խիստ չի վստահում ինչպես մեր արդարադատության համակարգին այնպես էլ «արդարարդատություն» ասվածի պետական ընկալմանը։

Ռուբեն Հայրապետյանը հերքել է Ծառուկյանի անունն արծարծելու փաստը

Slaq.am-ը հաղորդում է, որ անմիջաօես այն բանից հետո, երբ վերահրապարակվել է «Նուվել դԱրմենի Մագազին» ամսագրում րապարակված՝ Ռուբեն Հայրապետյանի աղմկահարույց հարցազրույցը, որտեղ վերջինս ի թիվս այլ սենսացիոն հայտարարությունների, հայտարարել էր, որ Հարսնաքարի սպանության պատրվակով ստեղծված քաղաքացիական շարժումը և իր դեմ ուղղված արշավը ֆինանսավորվել է Գագիկ Ծառուկյանի կողմից, խմբագրություն է զանգահարել Գագիկ Ծառուկյանի մամուլի խոսնակ Իվետա Տոնոյանը:
Խոսնակը հայտարարել է, որ հոդվածի հրապարակումից անմիջապես հետո, տեղի է ունեցել հեռախոսազրույց Ծառուկյանի և Հայրապետյանի միջև, որտեղ վերջինս կտրականապես հերքել է, որ իրնքը որևէ կերպ արծարծել է Ծառուկյանի անունը և որևէ մեղադրանք հնչեցրել նրա հասցեին։
Այս պատմության մեջ միակ անհասկանալի պահն ինձ համար կայանում է նրանում, թե ինչու՞ Հյարապետյանի ներկայացուցիչը չի տվել այս հերքումը, այլ Ծառուկյանի...

Ի հավելում, մեջ կբերեմ հարցազրույցի այն հատվածը, որտեղ ըստ «Նուվել դԱրմենի Մագազին»-ի, Հայրապետյանը մեղադրել է Ծառուկյանին.

Եվ ո՞վ է ֆինանսավորում նրանց. Դոդի Գագոն : Այ այդպես : Ո՞վ չի 

հասկանում, թե սա ինչ է : Ինչի՞ համար գան տանս վրա : Իմ երեխեն ի՞նչ մեղք 

ունի : Ես վատն եմ, համարում ենք՝ ես մեղավոր եմ : Բա որ ինձ բռնեին, ես 

իրոք մեղավոր լինեի, պիտի մտնեին իմ ընտանիքը մորթեի՞ն : (ծ.լ. 

Ձայնագրությունում խոտան կա) :

Վահե Ավետյանի երեխաներին ուզում են փախցնել Հայաստանից

«Առավոտ» թերթը գրում է, որ զոհված բժիշկ Վահե Ավետյանի միակ քույրը, ով ապրում է Լոս Անջելեսում ուզում է անպայման իր մոտ տանի Վահեի որբացած երեխաներին։ Բանն այն է, որ ընտանիքի անդամները, այդ թվում նաև քույրը, շոկային վիճակներում են և ուզում են փրկել երեխաներին «այս կրիմինալ ու վտանգավոր երկրից»։

Զինվորականները փորձե՞լ են Սևանի «Հարսնաքար» էլ մտնել

Համաձայն 1in.am-ի տարածած տեղեկատվության, հունիսի 17-ին 3 զինվորականներ փորձել են մուտք գործել Սևանի «Հարսնաքար» ևս։ Համաձայն լրատվական կայքի աղբյուրների, զինվորականները վշտացած լինելով Վահե Ավետյանի մահվան գուժով, հարբել են։ Նրանց հետ այդ ժամանակ եղել է նաև Երևանում գտնվող «Հարսնաքար»-ը պայթեցնել սպառնացող փոխգնդապետ Վարդան Սամվելյանը։