Ովքե՞ր են ամենաշատ «դեմ» քվեարկած պատգամավորները

Հայաստանի 5-րդ գումարման Ազգային Ժողովի ամենաշատ «դեմ» քվեարկած պատգամավորը ՀԱԿ անդամ Նիկոլ Փաշինյանն է: Parliamentmonitoring.amկայքի փոխանցմամբ, նա դեմ է քվեարկել 25 անգամ: Ցանկում երկրորդը ՀԱԿ խմբակցության ղեկավար Լեւոն Զուրաբյանն է: Նա դեմ է քվեարկել 23 անգամ: Երրորդ հորիզոնականում գտնվող ՀԱԿ անդամ Լյուդմիլա Սարգսյանը եւս 23 անգամ է «դեմ» քվեարկել:
4-րդ եւ 5-րդ հորիզոնակնները զբաղեցնում են էլի ՀԱԿ անդամներ`  Գագիկ Ջանգիրյանը եւ Արամ Մանուկյանը` համապատասխանաբար «դեմ» քվեարկելով 21 եւ 14 անգամ:

ՀԱԿ-ում Նիկոլին զոհաբերեցին հանուն ԲՀԿ-ի

Շատ արդի ու ըստ իս օբյեկտիվ վերլուծություն կարդացի lragir.am-ում։ Հեղինակը վերլուծում է ՀԱԿ-ԲՀԿ սիրախաղի անհասկանալի ելևէջները և շատերի համար այդպես էլ աննտեսանելի մնացած դրսևորումները։ Այսպես, այն բանից հետո, երբ Զուրաբյանը վախենալու բաներ էր պատմում ԱԺ-ում առ այն, որ ընտրություններից հետո Սերժ Սարգսյանը ասպարեզից հանելու է բոլոր հարուստ և ազդեցիկ դեմքերին՝ նշելով մասնավորապես Քոչարյանի ու Ծառուկյանի անուններով, ԲՀԿ-ն Նաիրա Զոհրաբյանի շուրթերով հնչեցրեց պատասխան, որ իրենք չեն պատրաստում մեկնաբանել անձնական կարծիքները և հնարավոր համագործակցության մասին կարելի կլինի խոսել միայն պաշտոնական հայտարարությունից հետո։
Այս ռոմանսը միակ փչացնողը մնացել էր Նիկոլ Փաշինյանը, ով հետևողականորեն ու հրապարակավ փնովում էր ու շարունակում է փնովել ԲՀԿ--ին՝ համարելով այն ՀՀԿ-ի կցորդ և մեխսակից, իսկ Ազատություն ռադիոկայանին տրված հարցազրույցում Զուրաբյանի հայատարարությունը որոկել էր, որպես «անձնական» կարծիք։

«Կոմանդոս´, դու տականք ես, դու վախկոտ ես, դու ծախվեցիր». ՀԱԿ-ի ակտիվիստ

Համացանցում տարածված տեսանյութի հաշվին հայտնիություն ձեռք բերած ՀԱԿ-ի ակտիվիստներից Գուրգեն Ավետիսյանը (որին հիմնովին կպավ Ցիցեռոն ծաղրանունը՝ իր բոցաշունչ ելույթների համար) իրեն խիստ անվայելուչ արտահայտություններ է թույլ տվել Արցախյան պատերազմի հերոս, Շուշին ազատագրած զորավարի՝ Արկադի Տեր-Թադևոսյանի հասցեին։

ԲՀԿ-ն ամեն կերպ խուսափում է արտահերթ նիստից

Haynews.am-ը հետաքրքիր անդրադարձ է արել ԲՀԿ-ի և ՀԱԿ-ի տարօրինակ պահվածքին։ Նորություն չէ, որ ՀԱԿ-ը ստորագրահավաք է անում ազգային ժողովում արտահերթ նիստ կազմակերպելու համար, և որպեսզի այն հրավիրվի, անհրաժեշտ է առնվազն 44 պատգամավորի ստորագրություն։ Բնական է, որ առանց ԲՀԿ-ի մասնակցության, այս նախաձեռնությունը կտապալվի, իսկ Նաիրա Զոհրաբյանն իր վերջին հայտարարություններով դե ֆակտո փաստեց, որ ՀԱԿ-ը որքան էլ փորձի հաճոյանալ ԲՀԿ-ին, միևնույն է, հանուն «լևոնականների» ոչ ոք էլ չի պատրաստվում արկածախնդիր քայլերի դիմել։

ԼՂՀ-ն պետք է փայլուն ընտրություններ անցկացնի

Haynews.am-ը գրում է, որ այսօր լրագրողների հետ հանդիպման ժամանակ քաղաքագետներ Շուշան Խաթլամաջյանն ու Թևան Պողոսյանը խոսացել են ԼՂՀ-ում անցկացվելիք ընտրությունների և ՀԱԿ-ԲՀԿ համագործակցության հեռանկարի մասին։
Ըստ Թևան Պողոսյանի, Արցախում պետք է արվի հնարավորս, որպեսզի փայլուն ընտրութուններ կազմակերպվեն և դա պետք է արվի անկախ այն հանգամանքից, որ վրոպական կառուցները իբր անտարբեր ձևանալով՝ չեն ուզում դիտորդներ ուղղարկել, բայց իրականում նրանք ևս խիստ հետաքրքրված են ԼՂՀ-ում իրականացվող ընտրական գործընթացներով։

ՀԱԿ-ից շարունակում են փախնել

Ինչպես հաղորդում է Haynews.am-ը ՀԱԿ կուսակցությունների դաշինքից կարող է դուրս գալ «Ժողովրդավարական հայրենիք» կուսակցությունը։ Կուսակցության նախագահ Պետրոս Մակեյանը հաղորդել է, որ տեղի է ունեցել կուսակցության նիստ, որի արդյունքում կայացվել է որոշում, որի վերաբերյալ հայտարարությունը շուտով կտարածվի կուսակցության կողմից։
Ըստ ամենայնի կարելի է փաստել, որ հերթական միկրո կուսակցությունը լքում է ՀԱԿ-ի նավը, իսկ պատճառը թերևս նրանում է, որ ՀԱԿ-ում մնալը գնալով դառնում է նիհիլիստների մենաշնորհը, իսկ «Ժողովրդավարական Հայրենիք»-ի պես փոքր կուսակցությունները ամենևին էլ նպատակ չունեին հավերժ սպասարկողի դերակատարություն ունենալ, երբ մտնում էին ՀԱԿ-ի մեջ, իսկ խորհրդարանական ընտրությունները պարզորոշ ցույց տվեցին, որ ավելիին հավակնելն անիմաստ է, քանի դեռ ՀԱԿ-ում ես։