Եվ ինչ փոփոխություններ ասես իր հետ չբերեց այս վիրտուալ հեղափոխությունը: Եվ երբ վիրտուալ դարձան անգամ ՍԵՐՆ ու կին-տղամարդ հարաբերությունները (կամ էլ այդ հարաբերությունների ձևավորումը ու սկզբնավորումը), կանաց ու աղջիկներին ոչինչ չէր մնում անելու, քան վիրտուալ դաշտ տեղափոխել նաև սիրած էակին գրավելու «զենքերն» ու հնարքները: Բոլորդ էլ գիտեք, որ բացի «խելացի» ստատուսներից, վիրտուալ տարածքում մարդկանց գրավելու զենքերից են, նույնիսկ կարելի է ասել գլխավոր զենքն են ՆԿԱՐՆԵՐԸ: Իսկ դա առանձնակի ջանքեր չի պահանջում, Photoshop-հնարքների տիրապետում և ամենուր քեզ ուղեկցող ֆոտոապարատ :)

Նայելով սոցիալական ցանցերում աղջիկների նկարները մի քանի հետաքրքիր դիտարկումներ կարելի է անել: Սոցիալակն ցանցերում ցանկացած աղջիկ պետք է ունենա`

1. Նկար, որտեղ դեմքը Photoshop-ով մի լավ «սպիտակեցված է», հարթեցված ու լուսավորված, և եթե հանենք այդ «լուսավոր» էֆեկտները, դժվար թե նմանություն գտնենք նկարի և մեր առաջ կանգնած աղջկա միջև :)))

Այս էֆեկտներից է նաև սև ու սպիտակ նկար ունենալը :)

2. Եթե աղջիկը մի փոքր գեր է, կամ էլ իր երազած 90/60/90 մարմնի չափերը չունի, բոլոր նկարներում միայն նրա դեմքն է: Սիրելի աղջիկներ, մարդ ինքն իրեն պետք է ընդունի ու սիրի այնպիսին, ինչպիսին որ կա:

3. Պարտադիր պետք է լինի տան, օֆիսի կամ ռեստորանի, սրճարանի զուգարանի հայելու մեջ iPhone-ով նկարած նկար.

4. Նկար, որտեղ նա ընկերուհու հետ է, և իրենք իբրև թե ֆոտոխցիկին չեն նայում...ու նկարի անոնն էլ պարտադիր պետք է լինի` «բայց լուրջ պատահական նկար ա» :)

5. Սև «փոքրիկ զգեստով» նկար ինչ-որ պրեզենտացիայի ժամանակ գովազդային բաներների ֆոնին.

6. Շատ ուրախ ու երջանիկ նկար, որում աղջիկը պարտադիր երջանկությունից «վեր է թռչում» .

7. Նկար, որտեղ աղջիկը « բռնում է» արևը կամ լուսինը (սա հատուկ ռոմանտիկների համար)

8. Հրում է Պիզայի աշտարակը

9. Նա աշխատանքի վայրում, ցուցադրում է իր աշխատասեղանի «պարունակությունը».

10. Աղջիկը ցուցադրում է իր «ակտիվ ապրելակերպը».

11. Գլխավոր նկարի տեղ հոլվուդյան աստղի նկար.

կամ էլ «պստիկ-պուպուշ-փափուկ» կենդանու նկար

12. Պարտադիր «մեծ» ծաղկեփնջով նկար, և կարևոր չէ այդ ծաղիկները իրենց են նվիրել, թե ոչ...միևնույն է Ֆեյսբուքում չեն իմանալու, որ իրենը չի ու ընկերը չի նվիրել :))))))))